Un dobei hätt ich dich su jään jebütz!
(ne jugendsünde...)
Un dobei hätt ich dich su jään jebütz!
1. Ich soh dich bem Danze - un im Jroße un Janze
wors du janz jenau mingen Typ.
Ich wullt jrad schon opstonn - un rövver zu dir jonn,
do stund plötzlich vüür dir dä Büüb.
Un dä Büüb is ne Joode - immer neueste Mode
un sigg fuffzehn Johr mingen Fründ.
Un hä däät nur jet laache - un dich blitzschnell aanmaache,
dä Jung weiß nit, wat ich mit em maache künnt!
2. Un dann woren se am Danze - un im Jroße un Janze
hatt ich die zwei nur im Visier...
Der Saal wor am Koche - un mi Hätz deit mer poche
un ich wor schon beim vierte Jlas Bier.
Plötzlich wood et janz schummrig - un de Musik wood langsam
un die Danzfläch, die wor janz voll Lück.
Ich wor mich am Strecke, der Hals am Langrecke
dann wuss ich: die zwei han sich heimlich verdröck!
REFRAIN: Un dobei hätt ich dich su jään jebütz!
Do kom dä Büüb leider zu schnell aanjeflitz!
Hä woor immer schon schneller un schöner un heller
un is och noch nie affjeblitz...
Un dobei hätt ich dich su jään jebütz!
3. Un dann komen se widder - noh övver zwei Stunde
un dä Büb hielt janz jroß nen Verzell.
Un ich han dich janz flöck - op de Danzfläch jedröck,
su en Changs, die kütt nit mieh su schnell...
Un ich hielt dich im Ärm - un mi Hätz wood mer wärm
un ich wor jrad su richtig in Form...
Do stund hä schon do - un als se ihn soh,
do ließ se mich janz einfach stonn!
|