Schmeiß a Steckerl ins Wossa

[a.c.larin]

Schmeiß a Steckerl ins Wossa,
schick mas her wia an Briaf,
loss nur ziagn auf die Wölln,
weu die Liab is so tiaf

Wia a Bam, der sei Wurzl
in Föls eine schlogt-
Schmeiß a Asterl ins Wossa,
wos imma mia sogt,

wo du bist, wias da geht,
dass i ewig di find:
Weu, solaung die Wölt steht,
uns des Wossa vabind’t!

Schmeiß a Hölzerl ins Wossa
und a Blatterl fia mi –
Und woimmer i bin:
I denk daunn an di.