De Brulljesmacher
 

gebt an wie zehn naggische Nescha,
fahrt e dicker Amischlitte,
newa sich e heißer Fescher
mit riesig große Ohrläbscha.

Er hat e Bungalo mit Pool,
macht Urlaub gär in Santropee
un war nie richtig in de Schul,
doch uff de Bank in Übersee

do hat der Sputz la mass di meng.
Der macht Geschäfte in Schanghai,
kaaft dort Klunker un Gin Seng
und macht dort jede Tag Bohei.

Wer ständig uff de Putz nur kloppt,
der heischd bei uns de Brulljesmacher.
Der krieht aach mol es Maul gestobbt
un dann is Schluss mit Partykracher.