Waunst mi hamdrahn wüst
 

Waunst mi hamdrahn wüst, dann kumm,
nimm des Kuchlmessa:
Stich mi a, dann ist vurbei!
Is des net vü bessa,
ois du denkst da sowas aus,
wiasd mi leidn losst?

Hamlich, hamlich, bis ma graust,
bis i Aungst hob, wia du schaust,
wosd jetzt tuan wiast, obsd mi hausd:
Mochst den Schmerz nur greßa!

Waunst mi hamdrahn wüst, dann kumm!
Steh nur zu dein Hossn!
Tua, wos dir der Teufel sogt,
gaunz von Gott valossn.
Oba tuas net in der Gham,
meucheln, so auf Raten:

Hamlich, hamlich, bis ma graust,
bis i Aungst hob, wia du schaust,
wosd jetzt sogn wirst, obsd mi haust:
Lächelnd, voll Granaten!

Wuanst mi hamdrahn wüst, dann kumm,
i wülls scho parieren!
Mochst das glei, mochst das erst daunn:
I hob nix zu valieren!
Oba ans mecht i da sogn:
Du wirst aa nix gwinnan!

Weu: Die Ködn steckt in dir,
und aa waunn i nix mehr gspia,
dass du schuidig wirst an mir -
dem kaunnst net entrinnan!

Uii,jegal !

Host an Köch g`habt mit an Hawara ?

Woat net bis a si schuidig mochn kau. Hau lieba o !

Warat schod um dei Sö !

Wiast eam do net so laung ratzen bis as wiakli am End tuat. :(

Madl sei gscheit hau afoch o ! Loss eam auglahnt ! :cool: