[Carlino]

Isch bin halt so en Sieße

Moschens, wenn isch frisch gewasche,
hol isch mir gleisch was zu Nasche:
Stickscher truff mit Marmelade,
oder aach mit Schokolade.

Hauptsach, owwe is es babbisch,
unnerum –egal- aach naggisch!

Dann um zwölf - es schläscht gleisch droizehn-
dun misch Krebbel ganz schön roizen!
Erst deham beiß isch da roin,
unnerweschs wärs nischt so foin!

Aach zum Kaffe gibt’s was Sießes,
sach mir: Ach was soll´s, genieß es!
Sahnetörtscher, Budderkrem...
dafür lass isch ´s Eisbein stehn!

Vor dem Fernseh lisch isch dann,
seh mir naggisch Mädscher an.
Dadezu nasch isch Pralline,
träum aach ab un zu von Tine.

Die, mit der isch neulisch naschte,
die misch naschend überraschte,
die misch - schlischt dosch ihr Gewischt-
fast erschdickt – isch leuschne ´s nischt!

Lisch isch dann in meine Kisse,
du isch die un Babsi misse!
Hauptsach, owwe sin se babbisch,
unnerum aach gern ma naggisch!

Meine Omma sacht: Du Sießer!
Bub, was bistde fürn Genießer!