[charis]

woarm is heit
ofaramol siach i di
do staihn mit deine fraind
of da stroßn

du lochst
bist groaß, net stoak
a bissl bloach
und host fost nou kuan bauch
die hoar san mehr schitta
oba nou host kua glotzn

du redts sou geschait daher
und göld hast a und an bmw
a gstudierta hosnscheissa bist
deink i ma

oba di wü i hobm
do is soa kribbln im bauch
deink i ma
oba dann siach i mi
im schaufeinstaglos
vom sax

i bin z'oid und z'miad
die blond g'färbm hoar san wia stroh
die augn siach i net
abo wegn dir glainzens sicha grod

oda wegam eis hintam glos?

i vagiss di!
und kafma liaba drei kugln:
schokolad
eadbea
hoselnuss

in ana tütn