’s Mariesche
Neulisch nachts uff de Dippemess
krisch isch en Dippe voll in die Fress.
Fraach misch net, wer den Dippe schmiss,
jetz hab isch als vor de Dippe schiss!
Schiss hab isch, wenn die Dippe dun fliesche,
isch will se halt in die Fress net kriesche!
Mei Freundin, gell, isch mein ’s Mariesche,
die dut die vorher förmlisch riesche.
Wann die en Dippe orde dut,
reißt die weit uff ihr Rieseschnut:
Vorsischt Dippe! brüllt se dann
un isch duck misch, wenn isch kann.
Dud’s dem Mariesche weh vorn am Kopp,
kimmt der ihr Beul ganz sischer vom Dopp!
|