D'Frou Brotschi und d'Wösch
Hingerem Eggbärg
isch am Sibni
d‘Sunne vürecho.
Und d‘Frou Brotschi
het rächt früech scho
d‘Wösch voruse to.
Doch vor öppe-n ere haube
Schtung het‘s gwächslet
und s‘sy nohdisnoh
eÿni um dië angri
es paar graui
Wu‘uche vürecho.
Und d‘Frou Brotschi
het ou d‘Wösch scho
wider yne gnoh.
Chunnt‘s nid würklech de cho rägne
vor em Mittag,
hänkt si froh
d‘Wösch vo nöyem
duss a d‘Leÿne,
neÿ, si cha‘s nid loh.
Yne, use!
Use, yne!
Nämlech, s‘isch eso:
Wüu im Läbe vor Frou Brotschi
nüt passiërt süsch,
suëcht si s‘Risiko.
Wott bi Sunne
und bi Gwitter
geng ufs Ganze goh!
Chunnt dr Ma heÿ,
het si d‘Wösch scho
lengscht i Chaschte to.
|