[Hans Beislschmidt]

Es Fritzje war e kloorer Buu,
doch hod er immer vill zu leide.
Schun in de Schul kunnt er's partout
nit höre, wann vun alle Seite,

gepischpert werd "vum Bankert do".
Doch s Fritzje hat die all gebärscht
un vill sinn bis ins Eck gefloh,
es Fritzje hat sich nit gefärscht.

Un alles nur, weil beim Verstecke
sei Mamme mit dem jung Franzos
im Wald war hinner denne Hecke.
Oh Leck, do war im Dorf was los.

Wo ein Wille ist, gibt's ein Gebüsch,
in dem Fall war's de Heckerain.
Es Fritzje denkt, was kümmerts mich,
es heest doch Heckedalheim.