[Hans Beislschmidt]

Dort, wos im Summer heiß un trucke war,
am Hang do owwe bei de Bremme,
hod ich e Blick enunner uff die Saar.
Schad, dass so vill Leid das gar nit kenne.


Die kleene Schiffcher fascht wie aus Papier,
die Saarbahn wie e Würmche newedran.
Du putzisch Tälche wie gefallschd du mir
un was e Glück, wer dort aach wohne kann.


Heit huck ich do, sis newwelisch un trieb.
Das schlechte Wetter, jetzt wo dus saasch,
im Herbst, do is ma leedisch un oft mied
un's Bänkelche macht mir e kalter Bobbes.