Jå neili då håm meine Kinda gmoand:
„Liabe Mama, a so kriagst koan neichn Mo.
Imma nua Jeans, a karierts Hemad und Stiefin.
Iatzt ziag di hoid endli amoi anders o.
Zwegsm gescheidn Hüftschwung
håb i di hoibade Nåcht
auf YouTube aloanigs
an Samba-Einsteigerkurs gmåcht.
Ab ind Stådt, eikauft und dann håb i mi gstylt
und in ultraweide Kniahosn gschmissn,
a hochmoderns, ausgfransts Shirt dazua
und a Jackn, so weich wiara Sofakissn.
Plateautreta nua vom ållafeinstn
und a Handtascherl aus echtm Leda,
so gånz a gachs* Hüaterl mit Feda,
des håd gwiss a ned a jeda.
Soga an Goildschmuck håb I mia kauft
füan Hois, füad Arm so ebbs zum Klimpern,
a teurigs Make-up , an rodn Nagellack
und schwarze Fårb füa långe Wimpern.
Übam Knöchel leuchtet a neichs Tattoo,
drum geh i heid a amoi ohne Strümpf.
Und mid meim ållaletztn Goid håb i
mia a Parfüm gkauft, Chanel Numma 5.
Iatzt nix wia hi zum Ball der einsamen Herzn.
Scho beim Aussteign håb i eam gseng.
Boah, wås füa a gescheids Månnsbüid
steht da an da Düa? Da wars um mi gscheng!
Federnden Schritts und mit meim Hüftschwung,
am Lächeln, dass d'Zähn nua a so blitzn
stoizier i zua Düa, wia a fesche Prinzessin,
an Stolpera und scho lieg i drin in da Pfützn.
Aus is, i seg eam no lachend
im Tanz-Lokal verschwindn
und mi kånnst nåcher in Jeans
und Hemad vorm Fernsea findn.
*gach: hier draufgängerisch, wild, steil
Teilübersetzung:
Jå neili då håm meine Kinda gmoand:
„Liabe Mama, a so kriagst koan neichn Mo.
Imma nua Jeans, a karierts Hemad und Stiefin.
Iatzt ziag di hoid endli amoi anders o."
Zwegsm gescheidn Hüftschwung (um einen gescheiten Hüftschwung zu erlernen)
håb i di hoibade Nåcht (hoibade = halbe)
auf YouTube aloanigs (aloanigs = aloa = allein/e)
an Samba-Einsteigerkurs gmåcht.
Ab ind Stådt, eikauft und dann håb i mi gstylt
und in ultraweide Kniahosn gschmissn, (gschmissn = hier: angezogen)
a hochmoderns, ausgfransts Shirt dazua
und a Jackn, so weich wiara Sofakissn.(wiara = wie ein)
Plateautreta nua vom ållafeinstn (Plateautreta = Plateauschuhe)
und a Handtascherl aus echtm Leda,
so gånz a gachs* Hüaterl mit Feda, (einbesonders draufgängerisches Federhütchen)
des håd gwiss a ned a jeda. (das hat bestimmt auch nicht jeder)
Soga an Goildschmuck håb I mia kauft
füan Hois, füad Arm so ebbs zum Klimpern, (füan Hois = um es um den Hals zu hängen; ebbs = etwas)
a teurigs Make-up , an rodn Nagellack (rodn = roten)
und schwarze Fårb füa långe Wimpern.
Übam Knöchel leuchtet a neichs Tattoo, (übam = ber dem)
drum geh i heid a amoi ohne Strümpf. (heid = heute)
Und mid meim ållaletztn Goid håb i
mia a Parfüm gkauft, Chanel Numma 5.
Iatzt nix wia hi zum Ball der einsamen Herzn. (nix wia hi = nichts wie hin)
Scho beim Aussteign håb i eam gseng. (hab i eam geseng = habe ich ihn entdeckt)
Boah, wås füa a gescheids Månnsbüid (Hei-der-Geier, was für ein toller Mann)
steht da an da Düa? Da wars um mi gscheng! (steht da an der Tür? Da war es um mich geschehen!)
Federnden Schritts und mit meim Hüftschwung,
am Lächeln, dass d'Zähn nua a so blitzn ( ... dass die Zähne nur so funkeln)
stoizier i zua Düa, wia a fesche Prinzessin, (stolziere ich zur Tür wie eine schicke Prinzessin)
an Stolpera und scho lieg i drin in da Pfützn.( einmal stolpern und schon ....)
Aus is, i seg eam no lachend (i seg eam no = ich sehe ihn noch)
im Tanz-Lokal verschwindn
und mi kånnst nåcher in Jeans
und Hemad vorm Fernsea findn.