Frau Charlotte beschwert sich

[a.c.larin]

Der Hansl - Bua vom Nochbarhaus,
der kummt ma nächstes moi net aus!
A so a Krätzn, so a Ruaß,
Wia i mi allweil ärgern muaß!

Des Gfrast hat so a Niedertrocht,
dem ghört jetzt endlich Schluss gemocht!
Der schiaßt um zwölfe mit sein Balln
gegnd Wand! In gaunzn Hof tuats knalln!

Des scheppert, dass die Fenster klirrn-
Wer soll denn da sei Suppn rührn?
Der Löffel bleibt in Hals mir stecken,
so tuat der Hundling mi daschreckn

mit seiner Fuaßballesterei!
Na, und der Lärm? Des Kriegsgeschrei?
Zu dritt sans do! Und seine Freind
g’hörn aa no z'rechtgstutzt, wia ma scheint.

De Miatta gengan gaunztogs hackeln,
de haben ka Zeit für ihre Lackeln.
Des bleibt dann wieda alls bei mir –
Ka Wunder, dass i grantig wia!

Weil jedn Tog des „Bum - bum bum!“
des macht mi narrisch, bringt mi um.
I hab ja Kinder wirklich gern –
Nur segn will i si nicht und hörn!

De miassn Zund kriagn in ihrn Leben!
Zu unsrer Zeit hätts des net gebn......