Mach der nix draus!

[Carlino]

Mach der nix draus!

De Babba, die Mamma, de Obba, die Omma,
die komme zum Kaffe isch bin wie benomma!

Die komme un gucke bei uns unners Bett,
da butze mer voher un danze Balett
mit Bese un Schrubber un Labbe un Mobb,
wenn's dann unne bimmelt, dann ruf isch laut: stobb!

Dann dun mer all sitze am Disch uff de Stühl.
Nach Kaffe un Kuche sach isch dann: "Isch spül!"
Isch geh in die Küsch, mei Mamma die aach,
die sacht dann zu mir: "Ei Bub, was e Plaach,

dei Fraa lässt disch spüle, isch halt das nett aus,
du bist ja so dabbisch, ei mach der nix draus!
Solang isch noch kann, spülst du mir hier nett,
isch komm gleisch rüwwer un butz unnerm Bett!"