De Schaffschuhversteckeler

[Hans Beislschmidt]

Er is ganz selten nass geschwitzt
un driggt sich wo er kann gewitzt.
Der faule Sack werd ganz schnell mied
un wer ne mol beim Schaffe sieht,

der kann dem lahme Kerl vun hinne
beim Laafe noch die Schuh zubinne.
Zwische Urlaub, Reha, Krankeschein,
is sich der Lahmarsch viel zu fein

fa nur eenmol sich zu quäle,
dud awwer seiner Fraa verzähle
er wär e richtisch doller Hecht.
Nur wäre die Kollesche schlecht,

weil, anstatt zu imponiere,
dud ma ihn ignoriere.
E Herzinfarkt krieht der do nie
mit der eenfach Philosophie:

Wer faul un strack is, hat kenn Sorje,
kumm sche heit net, kumm sche morje.
.