’S Weihnachtsmäusle (auf Schwäbisch frei nach James Krüss)

[Friedhelm Götz]

Jedes Johr in unser Häusle
kommt zur Weihnachtszeit a Mäusle.
Mr woiß vom Weihnachtsmäusle wenig,
doch wenn es do isch, isch’s dr König.

Auf Weihnachtsguatsle ischs versessa,
drom hot’s uns noch koi Johr vergessa.
Es hält ons für dr Weihnachtsbäck
ond drom verschmäht’s au Wurscht ond Speck.

Am liebschta mag es Sprengerle,
do leckt sich’s Mäusle d’Fengerle.
Kascht noch so guat des Sach verstecka,
des Mäusle wird es gwiaß entdecka.

An Weihnachtgsguatsle sich zu laba,
scheut sich’s net, ganz tief zu graba.
Im Bücherschrank, ganz hinta dromma,
isch’s scho oft an Guatsle komma.

Im Besaschrank au, ganz tief onta,
hots Mäusle scho Versteckle gfonda.
Im Gänsebräder, onterm Bett,
hinter onserm Biegelbrett.

Noch an viele andre Orte
isch’s Weihnachtsmäusle fündig worde.
Drom han zu meiner Frau i gsait:
„Jetzt ischt jo wieder Mäusleszeit.

’S Weihnachtsmäusle will au leba,
back a bissle meh, fürs Mäusle eba!“
No hot se gmoint, des wär vergeudet
ond hot bloß auf mei Bäuchle deutet:

„I kenn des Weihnachtsmäusle g’nau –
ond lieber Ma, du kennscht es au!“

[Stimme der Zeit]

Hallo, Gerd Flöhezimt,

des g'fällt mir fei, 's isch jo net so oft d'r Fall, dass I a schwäbisch's Gedicht lesa kâ. Ond 's isch außerdem au no sauglatt g'schriebe, des macht d'r schwäbische Humor.

I han dahoim au so a "Mäusle" g'het (ond han's emm'r nô), des war (ond isch) bloß a bißle "kloiner". Mei "Jonga" fendet au jedes Verschteck, egal, wo I d' Guatsle au na dua. En d'r Keller goht jo net, do dädat se nochher scho komisch schmecka.

Do em Gedicht isch aber a "großes Mäusle" ond'rwegs, des scheint allerdengs au ellas zom fenda.

Hod aber au recht, des Mäusle. No sod m'r halt a bißle mê backa, sonscht bleibt jo nochher gar nix mê übrig, wenn vor Weihnachta scho d'ganze Guatsle uffgessa send!

I muß aber fei zuageba, dass I no ned uff die Idee mit dem Gänsebräder komma ben - des kâ au do dra liege, dass I gar koin han.

Mei Jonga isch scho 21, des ändert aber nix drâ, denn jedes Johr isch trotzdem des Mäusle au bei mir wieder ond'rwegs ...

Des Video uff YouTube han I mir au aguckt, fei g'macht, d'Musik passt schee dazu ond die Vorleserin hot au a scheena Schtemm.

M'r kâ also sage: I han's gern âghört ond gern g'lese!

An liaba Gruaß ond bis zom näggschta Mol.

'S Schtimmle

[fee]

wie hübsch, lieber gerd flöhezimt!

ich mag schon das original von james krüss sehr, aber als großer mundart-fan finde ich das hier ganz bezaubernd!

sehr gerne gelesen und genossen!


liebe grüße

fee

[Friedhelm Götz]

Hallo Stimme und fee,

es freut mich, dass euch mein "Weihnachtsmäusle" so gut gefällt. Ich muss dazu sagen, dass dies erst mein zweites Gedicht in schwäbischer Mundart ist. Ich bin nämlich von Haus aus gar kein Schwabe, sondern ein Badener, genau gesagt stamme ich aus der Gegend von Heidelberg, wo man kurpfälzisch spricht. Als es mich anno 1962 beruflich nach Stuttgart verschlug, musste ich Schwäbisch wie eine Fremdsprache lernen, was das Reimen in Mundart erschwert.

Vielen Dank fürs Lesen und Loben.

LG Fridolin