es lewe der zentralfriedhof, de zweite

[fee]

„es lewe der zentralfriedhof“
heast, das i ned laud låch.
seid hundert joah ziag i an schnof
und tråg a schweres joch.

ois büstn haums mi aufgstöht då,
gaunz ohne fiaß und händ,
ois war aun tode prominenz
jeds gliedmåßerl vaschwendt.

's håd kana üwalegt, das mia
hier jede nåcht de brauchn.
und weu ma tod san, kenan ma
uns a nix mea vastauchn.

doch wie kumm i von a nåch b,
von meinem gråb zur erna?
das i a gspusi dådan håb
gebührt se fir an weana!

a jeds moi, wauns då zwöfe schlågt,
då ruck i umanaund,
vazweufld, hüflos, oiso trågd
da wind, wi 'r a's hoid kaun

mei bussl zu da erna durt
in ihre stanagruft,
wo's liegt und auf mi woatn duat,
waun zwöf de turmuhr ruft.

wir keman woi nie zuranaund,
es bleibt a amour fuh.
de bledn pompfüneberer
de någln d' särg jå zu.



.fee ´ 09