Gedichte-Eiland

a.c.larin · 06.11.2009, 07:45

In Ofn brennts Feia,
es wird wieda koid,
a Schnee kummt, a neia,
es glitzert in Woid.
Es wintert im Goartn
und laungsaum wirds stad!
Jetzt haßts wieda woartn!
Und maunchsmoi is fad!

Jetzts haßts wieda: Daunkn!
Fia ollas, wos woa.
Vasöhnan, net zaunkn,
es kummt a neichs Joahr!
Wias Feia in Ofen
brennt nieda zur Gluat
vabrennt aa dei Ehrgeiz-
und laungsaum wiards guat!

Des Feia, des Brennan
mochts woarm und mochts hö,
des dauert sei Zeitl,
des geht net so schnö!
Und aa bei die Menschn
brauchts Zeit, bis ma's kennt:
So stoark wie du brennt host,
so wärmts di am End!

In Ofn brennts Feia,
da Tog vaklingt stumm.
I denk so an heia -
a Johr is glei um!

06.11.2009, 07:45	#1
a.c.larin Erfahrener Eiland-Dichter Registriert seit: 14.03.2009 Ort: wien Beiträge: 4.893	Bein Ofen In Ofn brennts Feia, es wird wieda koid, a Schnee kummt, a neia, es glitzert in Woid. Es wintert im Goartn und laungsaum wirds stad! Jetzt haßts wieda woartn! Und maunchsmoi is fad! Jetzts haßts wieda: Daunkn! Fia ollas, wos woa. Vasöhnan, net zaunkn, es kummt a neichs Joahr! Wias Feia in Ofen brennt nieda zur Gluat vabrennt aa dei Ehrgeiz- und laungsaum wiards guat! Des Feia, des Brennan mochts woarm und mochts hö, des dauert sei Zeitl, des geht net so schnö! Und aa bei die Menschn brauchts Zeit, bis ma's kennt: So stoark wie du brennt host, so wärmts di am End! In Ofn brennts Feia, da Tog vaklingt stumm. I denk so an heia - a Johr is glei um! __________________ Cogito dichto sum - ich dichte, also bin ich!

Aktive Benutzer in diesem Thema: 1 (Registrierte Benutzer: 0, Gäste: 1)