Näme-mr a

Näme-mr a, es sygi hüt
nid dr öuft Septämber!
Näme-mr a, mir schtoppy d‘Zyt
und heÿge-n ersch Dezämber!

Näme-mr a, Zwöytusigeÿs
schtöy no nid im Kaländer
und d‘Rückschou ufs Millennium
ligg im Zytigsschtänder.

Näme-mr a!

Näme-mr a, dass üsereÿns
nië im Nahe-n Oschte
mit Panzer isch bis Bagdad greÿst
billigs Öu ga poschte.

Näme-mr a, s‘würd z‘Afrika
keÿ Mine explodiëre,
wo me bi üs und näbedra
mit Gwünn tuët produziëre.

Näme-mr a!

Näme-mr a, ir Dritte Wäüt
überläby d‘Chinder
ohny Chriëg und Schpändegäud.
S‘wär für aui gsünder.

Näme-mr a, s‘syg no nid z‘schpät
zum öppis repariëre,
Me chönnt ja, we me d‘Chance hett,
s‘no ne mau probiëre.

Näme-mr a!