es lewe der zentralfriedhof, de zweite

[a.c.larin]

serwas fee,

i hob des glei gaunz guat vastaundn, oba ois hiesige is des jo schließlich ka kunst net - des hot ma quasi mit da muttamüch aufgsogn, gewissamoßn!
wos dera oaman büste bassiert is, kaun ma nua a gaunz blede gschicht nenna: murdstrumm valiabt sei - und kane händ dazua! a so a schaas!

owa wias hoit in lebn so is: oft host a pech aa......
dass des owa bei di dodn so weidageh soi, des woa ma neich......
jojo, waun da herrgott net wü, nutz des gor nix.....

so sans , de weana: wauns sunst nix zun raunzn gibt, schreibns hoit iwan fridhof....

oiso : serwas madl, bis daun!
(i triff di liawa oisa lewendicha!)

zwickabussi
larin

[fee]

na heast, jetzt zwickt me des freche weana madl a no...,


owa so a zwickabussi is ollaweu nu bessa ois a so a windshaucherl, so a lüfterl ohne schmoiz von ana büstn von irgend so an dodn künstla ohne händ.

lewendich sama locker nu laung gnua, das ma nu a poa gstanzln reiman. und des is a guad so.

und wauns nu ka weana philousoph vua mia gsogt hod, daun sog i s hoid jetzad: de liewe is vagenglich wira eulenschaas.


windshaucherbussi zruck,


fee
(ma, is des schee)